ევროკავშირის ელჩი საქართველოში, კარლ ჰარცელი აცხადებს, რომ პროპორციული საარჩევნო სისტემის ჩავარდა დიდი წუხილის საფუძველია, რადგან ამასთან დაკავშირებით არსებობდა დიდი მოლოდინი და ამ საკითხს პოლიტიკური კონტექსტში ჰქონდა.

"აღნიშნული სისტემისთვის მხარის არდაჭერით არ იყო მხოლოდ პროპორციული სისტემის წინააღმდეგ გადადგმული ნაბიჯი, ეს იყო პოლარიზაციისკენ გადადგმული ნაბიჯი, რის გამოც ჩვენ ვართ უკიდურესად შეშფოთებული", — განაცხადა კარლ ჰარცელმა.

14 ნოემბერს ბიძინა ივანიშვილმა დაპირება არ შეასრულა. მმართველმა პარტიამ ჩააგდო საკონსტიტუციო ცვლილებების პროექტი, რომლითაც ქვეყანაში 2020 წლის არჩევნები სრულად პროპორციული წესით უნდა ჩატარებულიყო. მმართველი პარტიის ამ გადაწყვეტილებამ ოპოზიციური პარტიები საერთო მოთხოვნის ირგვლივ გააერთიანა. მოთხოვნას იზიარებენ სამოქალაქო სექტორის წარმომადგენლები და მოძრაობა ქვეყნის სამსახურში.

კანონპროექტის ჩაგდების შემდეგ ოპოზციურმა პარტიებმა და სამოქალაქო აქტივისტებმა თბილისის ქუჩებში აქციები განაახლეს.