თბილისი ენერჯის ინფორმაციით, მხოლოდ ოქტომბრის თვეში თბილისში 7053 არასწორად დამონტაჟებული გაზის დანადგარი აღმოაჩინეს. მათი თქმით, უმეტესობა სამგორსა და ისანი-ვაზისუბნის ტერიტორიაზე გამოავლინეს.

კომპანიაში აცხადებენ, რომ აბონენტების ნაწილი ხშირად არ ითვალისწინებს სპეციალისტების რჩევას ან ხელახლა თვითნებურად აერთებს ჩახსნილ დანადგარებს. თბილისი ენერჯი კიდევ ერთხელ აფრთხილებს მომხმარებლებს, რომ თვითნებურად დაერთებული და ღია წვის კამერიანი დანადგარები სახიფათოა.

ქსელიდან ჩახსნილი დანადგარებისა და მოუწესრიგებელი გაზგაყვანიობის სტატისტიკა უბნების მიხედვით ასეთია:

  • სამგორი 1661;
  • ისანი-ვაზისუბანი 1481;
  • გლდანი 947;
  • სანზონა 638;
  • საბურთალო 463;
  • დიღომი 317;
  • ნუცუბიძე 267;
  • დიდუბე 236;
  • ჩუღურეთი 226;
  • ნაძალადევი 223;
  • ვაკე 214;
  • კრწანისი 202;
  • მთაწმინდა 158;
  • წყნეთი 20;
  • სულ 7053.