რდავით უსუფაშვილმა GDS-ის ეთერში არჩევნების შედეგებზე და ნაციონალური მოძრაობის პერსპექტივებზე ისაუბრა.

მისი თქმით, ერთიან ნაციონალურ მოძრაობას სააკაშვილის გარეშე მეტი შანსი აქვს, ვიდრე ქართულ ოცნებას ბიძინა ივანიშვილის გარეშე:

"ორივე პარტიისა და პოლიტიკური გუნდის დამოკიდებულება კონკრეტულ ლიდერებზე არის ძალიან მაღალი. ნაციონალურ მოძრაობას მე მგონი უფრო მეტი შანსი აქვს დარჩეს პოლიტიკურ პარტიად, ვიდრე ქართულ ოცნებას. ქართულ ოცნებას თავისი გზა აქვს გასავლელი და მე წარმატებას ვუსურვებ ამ გაზაზე, მათ შორის იმ ნაწილშიც რომ ბიძინა ივანიშვილისგან დამოუკიდებლად მათ შეძლონ პოლიტიკურ ასპარეზზე დარჩენა. რაც შეეხება ნაციონალურ მოძრაობას, არ მგონია, რომ ის ნახევარი მილიონი ამომრჩეველი, თუ ოდნავ ნაკლები, იყოს მიხეილ სააკაშვილის პერსონალური ამომრჩეველი. თუმცა ვერ დავიჟინებ და ვერ გამოვყოფ მათ პირობითად".

დავით უსუფაშვილის თქმით, წინასაარჩევნოდ ქართულმა ოცნებამ უფრო მეტად "იხეირა" ვიდრე მიხეილ სააკაშვილმა:

"სააკაშვილმა თავისი აგრესიული დაპირებებით და ქმედებებით, უფრო მეტად შეაშფოთა ამომრჩეველი. მათ გადაწყვიტეს რომ დაეცვათ ქვეყანა სააკაშვილისგან, ეს დაცვა კი იყო ივანიშვილისთვის ხმის მიცემა. მე ვიტყოდი, რომ ივანიშვილმა კიდევ ერთხელ გააცურა სააკაშვილი საარჩევნო თვალსაზრისით".