მოძრაობა #სირცხვილიას აქტივისტები, მათ შორის გიგა მაქარაშვილი გორში საკონსტიტუციო ცვლილებების სახალხო განხილვაზე არ შეუშვეს. მაქარაშვილის ცნობით, შეშვების მიზეზი დარბაზში ადგილის არქონა გახდა. თუმცა მოგვიანებით ფოტო გავრცელდა, სადაც ჩანს, რომ დაბრაზის იარუსები ცარიელია.

საკონსტიტუციო ცვლილებების სახალხო განხილვაგ გორში, უნივერსიტეტის შენობაში გაიმართა.პარლამენტის გავრცელებულ განცხადებაში ეწერა, რომ საყოველთაო-სახალხო განხილვებზე თავისუფალი დასწრების საშუალება ექნება ნებისმიერ დაინტერესებულ პირს.

საქართველოს კონსტიტუციური კანონის პროექტების საყოველთაო-სახალხო განხილვებში მონაწილეობას საპარლამენტო და არასაპარლამენტო პოლიტიკური პარტიების და არასამთავრობო ორგანიზაციების წარმომადგენლები, კონსტიტუციონალისტები და ექსპერტები მიიღებენ.

საპარლამენტო უმრავლესობის მიერ მომზადებული პროექტი 2020 წლის საპარლამენტო არჩევნების პროპორციული სისტემით ჩატარებას ითვალისწინებს. კერძოდ, პოლიტიკური სუბიექტის მანდატების რაოდენობის დასადგენად, პარტიის მიერ მიღებული ხმების რაოდენობა 150-ზე გამრავლდება და არჩევნებში მონაწილე ყველა პოლიტიკური ძალის მიერ მიღებული ხმების ჯამზე გაიყოფა. არჩევნები ნულოვანი ბარიერის პირობებში ჩატარდება. ასევე, ახალი პროექტი საარჩევნო ბლოკების მონაწილეობის შესაძლებლობას არ ითვალისწინებს.

გაიგე მეტი: