ნაციონალური მოძრაობის ერთ-ერთმა ლიდერმა დავით ბაქრაძემ საპარლამენტო არჩევნების ეგზიტპოლების გამოქვეყნების შემდეგ პირველი კომენტარი გააკეთა. მისი თქმით, ეგზიტპოლებში ამომრჩევლების დიდმა ნაწილმა მონაწილეობა არ მიიღო. ბაქრაძე მიიჩნევს, რომ სწორედ გადაუწყვეტელი ამომრჩეველია მათი მხარდამჭერი.

ბაქრაძის თქმით, ამომრჩევლის 33%-მა უარი განუცხადა ეგზიტპოლს:

"ჩვენ გვაქვს ყველაფერი ვივარაუდოთ რომ ხმების დათვლის შედეგად გადაუწყვეტელი 33%-ის დიდი ნაწილი სწორედ ნაციონალური მომსწრეების მომხრეა. დღეს ჩვენ ვიხილეთ საარჩევნო დღე სადაც გამოვლინდა დარღვევები - მარნეულში ფართომასშტაბიანი ძალადობით, მაგრამ მიუხედავად ამისა, მიუხედავად ყველა გამოყენებული რესურსისა ჩვენ ვნახეთ რომ არჩევნების პირველად შედეგებითაც კი ქართულმა ოცნებამ და ბიძინა ივანიშვილმა ვერ მოიპოვა ამომრჩევლის ნდობის მანდატი. ხმების 39% ნიშნავს იმას რომ მან მიიღო ხმების 40%. 2012 წელს წაგებულმა ნაციონალურმა მოძრაობამ აიღო გაცილებით მეტი ხმა, ვიდრე სავარაუდოდ ეგზიტპოლის პირველად მონაცემებით პირველა დგილზე მყოფმა ქართულმა ოცნებამ".