ნაციონალური მოძრაობის ერთ-ერთი ლიდერი გიორგი ტუღუში მარნეულის ინციდენტთან დაკავშირებით აცხადებს, რომ დაპირისპირება მოხდა ქართული ოცნებისა და პაატა ბურჭულაძის ბლოკის წარმომადგენლებს შორის. მისივე თქმით, ყიზილაჯლოს საარჩევნო უბანზე დილიდან იყო გაყალბების მცდელობები და დაძაბულობა:

"ამ უბანზე დილიდან იყო გარკვეული დაძაბულობა, იყო გაყალბების მცდელობები, ასევე ზოგადად კენჭისყრის ჩაშლიც მცდელობები, გაქრა საარჩევნო ყუთი და დამალეს, როგორც ირკვევა ადგილი ჰქონდა დაპირისპირებას ქართული ოცნებისა და პაატა ბურჭულაძის ბლოკის წარმომადგენლებს შორის. ამ ინციდენტში ჩვენი ხმარდამჭერები და ჩვენი კანდიდატი არანაირ მოანაწილეობას არ იღებდნენ. რეალურად დაპირისპირება მოხდა ქართული ოცნებისა და პაატა ბურჭულაძის ბლოკს შორის".

ცოტა ხნის წინ მარნეულში საარჩევნო უბანთან მივიდა ნაციონალური მოძრაობის მაჟორიტარობის კანდიდატი, რომელმაც შეკრებილებს სიმშვიდისკენ მოუწოდა.