სამოქალაქო კულტურის საერთაშორისო ცენტრის წარმომადგენლის, ზვიად მჟავანაძის განცხადებით, საარჩევნო პროცესი ძირითადად მშვიდობიანად მიმდინარეობს და მხოლოდ რამდენიმე დარღვევა ფიქსირდება. ამ დროისთვის მათი დამკვირვებლების მიერ 2 საჩივარია დაწერილი:

"ბოლნისის 33-ე ოლქის 26 უბანზე რეგისტრატორმა ამომრჩეველს 3-ის ნაცვლად 2 ბიულეტენი მისცა, ხოლო ბოლნისის 33-ე ოლქის 48 უბანზე, სოფელ ტალავერში, ბიულეტენები აერიათ.

გარდა ამისა, ბოლნისის 32-ე ოლქის 54-ე უბანზე არჩევნები არაორგანიზებულად მიმდინარეობს, კონკრეტულად ხშირია კონფლიქტური სიტუაციები კომისიის წევრებს, დამკვირვებლებსა და ამომრჩევლებს შორის. პარტიის წარმომადგენლები ეწევიან აგიტაციას უბნის შესასვლელთან.

მარნეულის 35-ე ოლქის 31-ე უბანზე, სოფელ სადახლოში, მოხდა დარღვევა გასატანი ყუთის მეშვეობით ხმის მიცემისას, კერძოდ, დამატებით სიაში იყო 44 ამომრჩეველი, რომელთა ადგილზე გასულ ჯგუფს 3 არ დახვდა. ამდენად დამატებით სიაში 44 ხელმოწერა უნდა ყოფილიყო, მაგრამ მხოლოდ 24-ია. მარნეულის 36-ე ოლქის 48 უბანზე სოფელი ყიზილაჯლოში რეგისტრატორი ხშირად არ ახდენს ამომრჩეველთა მარკირებას".

სამოქალაქო კულტურის საერთაშორისო ცენტრი არჩევნებს 60 საარჩევნო უბანზე აკვირდება.