კომპანია Orion Pictures-მა ძმები გრიმების ზღაპრის მიხედვით ახალი ჰორორი Gretel and Hansel გადაიღო. ფილმის რეჟისორი ოსგუდ პერკინსია, აქამდე მას გადაღებული აქვს ჰორორ ფილმები:The Blackcoat’s Daughter და I Am the Pretty Thing That Lives in the House. სცენარზე რეჟისორმა რობ ჰეისთან ერთად იმუშავა.

ფილმში მოქმედება დიდი ხნის წინ ხდება, შორეულ და ზღაპრულ მხარეში. მთავარი გმირი კი ახალგაზრდა გოგონაა, რომელიც ბნელ ტყეში უმცროს ძმასთან ერთად სამსახურისა და საკვების საძიებლად მიდის. თუმცა ისინი ტყეში ბოროტებას გადააწყდებიან.

ფილმში მთავარ როლს სოფია ვილისი ასრულებს, მას მაყურებელი 2017 წელს გამოსული, სტივენ კინგის ადაპტაციიდან It იცნობს. ეკრანზე ასევე ვიხილავთ ახალბედა სემი ლიკის, ელის კრიგს Star Trek: First Contact-იდან, ჯესიკა დე გუვს Arrow-დან და Black Mirror-ის ჩარლზ ბაბალოტას.

ფილმის პრემიერა იანვრის ბოლოს არის დაგეგმილი.