აქცია #სირცხვილიას 76-ე დღეს, სადაც 75 დღე გახარიას გადადგომას ითხოვდნენ, ახლა მის დაწინაურებას აპროტესტებენ. აქციის მონაწილეებისთვის მიუღებელია გახარიას კანდიდატურა პრემიერ-მინისტრად და პერმანენტულ აქციებს აანონსებენ.

პარლამენტთან მოქალაქეებთან ერთად შეკრებილები არიან ოპოზიციური პარტიების წარმომადგენლები ნაციონალური მოძრაობიდან და ევროპული საქართველოდან.

ფოტო: სალომე ჩადუნელი / On.ge

ფოტო: სალომე ჩადუნელი / On.ge

პარლამენტთან მობილიზებულია პოლიციაც.

ფოტო: სალომე ჩადუნელი / On.ge

ფოტო: სალომე ჩადუნელი / On.ge

აქცია #სირცხვილია 20 ივნისს მას შემდეგ დაიწყო, რაც პარლამენტში რუსი დეპუტატი სერგეი გავრილოვი გამოჩნდა და თავმჯდომარის სკამში ჩაჯდა. თავდაპირველი მოთხოვნა ირაკლი კობახიძის გადადგომა იყო, ღამე აქციის დაშლის შემდეგ კი მოთხოვნები შეიცვალა. აქტივისტები პროპორციულ არჩევნებს, დაკავებულების გათავისუფლებას და შს მინისტრის გადადგომას ითხოვდნენ. რამდენიმე დღის შემდეგ 2 მოთხოვნა დაკმაყოფილდა და ბოლო 2 თვე ისინი გახარიას მოწუოდებდნენ პასუხისმგებლობა აეღო და თანამდებობა დაეტოვებინა.

ბოლო რამდენიმე კვირის განმავლობაში აქცია #სირცხვილიას ფორმატი ჰქონდა შეცვლილი და მოსახლეობას ხმას გადაცემით აწვდიდა, რომელიც სხვადასხვა მედიების ფეისბუქბეიჯებზე პირდაპირ ეთერში გადიოდა. მას შემდეგ, რაც მმართველმა პარტიამ გიორგი გახარია პრემიერობის კანდიდატად წარადგინა ფორმატი ისევ შეიცვალა და აქცია განახლდა. 20 სექტემბერს #სირცხვილიას მასშტაბური აქცია აქვს დაგეგმილი.

ამავე თემაზე: