საქართველოს პარლამენტის თავმჯდომარე, არჩილ თალაკვაძე მამუკა ბახტაძეს პრემიერად მუშაობის დროს გაკეთებული საქმის გამო მადლობას უხდის. ამის შესახებ მან რამდენიმე წუთის წინ ჟურნალისტებთან საუბრისას თქვა.

"ქართული ოცნების გუნდში თანამდებობა გუნდის არც ერთი წევრის თვითმიზანი არ არის და ბუნებრივია, როდესაც ქვეყნას და საზოგადოებას სჭირდება ცვლილებები ეს ეცვლილებები ხდება. ცვლილებები ხდებოდა ადრეც და ხდება ახლაც", — თქვა თალაკვაძემ.

მსგავსი სიტყვები აქვს ნათქვამი თავად მამუკა ბახტაძეს, როცა მან შინაგან საქმეთა მინისტრის, გიორგი გახარიას შესახებ ისაუბრა. პრემიერობის დროს ის ამბობდა, რომ ქართულ ოცნებას გუნდში არავინ ჰყავს ისეთი, ვინც "თავის სკამს გამოეკიდება".

მამუკა ბახტაძემ გადადგომაზე დღეს, 2 აგვისტოს დაპოსტა. ის პარლამენტმა 2018 წლის ივლისში დაამტკიცა. მან პრემიერის თანამდებობაზე ისე იმუშავა, რომ პარლამენტში ანგარიში არ წარუდგენია.