უკრაინელ ჰაკერთა ჯგუფმა, Cyber&Radio S-მა განაცხადა, რომ 2016 წლის სექტემბერში, ოკუპირებული ყირიმის ტერიტორიაზე კერძო ორგანიზაციების ვიდეო დაკვირვების რამდენიმე სისტემა გატეხეს. ამან ჰაკერებს საშუალება მისცა, კამერების ხმის ორმხრივი გადაცემის ფუნქციით უკრაინის ეროვნული ჰიმნის ტრანსლაცია მოეხდინათ. კერძოდ, უკრაინის ჰიმნი ჩართეს ერთ-ერთ სკოლაში, ვეტერინარულ კლინიკაში და ასევე რამდენიმე სუპერმარკეტში. 4 ოქტომბერს YouTube-ზე ვიდეო გავრცელდა, რომელიც ყირიმელების რეაქციას აჩვენებდა.

რუსეთმა ყირიმის ანექსია 2014 წელს მოახდინა.