მამუკა ბახტაძე: გვაქვს რესურსი, რომ ზამთრის ოლიმპიურ თამაშებს ვუმასპინძლოთ

14 Aug. 2019, 13:32

დღეს უმნიშვნელოვანეს კონტრაქტს მოეწერა ხელი. მე მსურს, სრულიად საქართველოს მივულოცო ეს დიდი წარმატება. ჩვენ 2023 წელს ვუმასპინძლებთ მსოფლიო ჩემპიონატს ფრისტაილში. ეს არის უდიდესი აღიარება, დიდი ნდობა და მხარდაჭერ საერთაშორისო პარტნიორების მხრიდან. ამასთან ერთად, ეს არის ერთმნიშვნელოვანი აღიარება, რომ ის სტრატეგია, რაც ჩვენ გვაქვს მთის კურორტების განვითარების თვალსაზრისით, არის ეფექტური და შედეგზე ორიენტირებული.

ეს არის ერთ-ერთი ყველაზე მასშტაბური ტურნირი, რაც კი ტარდება. აქედან გამომდინარე, 2023 წლის მსოფლიო ჩემპიონატი ფრისტაილში, 2025 წლის ახალგაზრდული ოლიმპიური ჩემპიონატი ემსახურება მთავარ მიზანს, რომ ჩვენ დავაგროვოთ გამოცდილება, შევქმნათ აუცილებელი ინფრასტრუქტურა და უკვე შემდეგ საქართველომ უმასპინძლოს ზამთრის ოლიმპიურ თამაშებს. დარწმუნებული ვარ, რომ ჩვენ გვაქვს ამის რესურსი. ვფიქრობ, რომ რამდენიმე თვეში, როდესაც დასრულდება აღნიშნული პროექტი, ჩვენ ბაკურიანში შემოვიტანთ ახალ სიცოცხლეს.

ჩვენ სამწუხაროდ, გვაკლია მსგავსი ინფრასტრუქტურა, რაც გარკვეულწილად, იმასაც ნიშნავს, რომ ჩვენ ვერ ვმასპინძლობთ იმ რაოდენობის ტურისტებს ზამთრის პერიოდში, რომელსაც თეორიულად შეიძლება ვუმასპინძლოთ. ეს ამავე დროს, წაახალისებს ინვესტიციებს, როგორც ბორჯომში, ასევე ბაკურიანში. ჩვენ არ ვაპირებთ ამაზე გაჩერებას და იმედს ვიტოვებთ, რომ ჩვენ ამავე დროს, მოვიპოვებთ მასპინძლობის სტატუსს და 2025 წელს ბორჯომი და ბაკურიანი უმასპინძლებს ზამთრის ახალგაზრდულ ოლიმპიადასაც.

ბოლო ამბები:

მამუკა ბახტაძე მამუკა ბახტაძე: გვაქვს რესურსი, რომ ზამთრის ოლიმპიურ თამაშებს ვუმასპინძლოთ

კომენტარები

კვირის ტოპ-5

გირჩევთ

ახლა კითხულობენ

მამინაცვლის მხრიდან არასრულწლოვანზე სექსუალურ ძალადობაზე "საფარმა" სტრასბურგში საქმე მოიგო