შინაგან საქმეთა სამინისტრო მალავს რამდენი ცრემლსადენი გაზი და რეზინის ტყვია გამოიყენა პარლამენტის შენობასთან შეკრებილი მოქალაქეების დასაშლელად. გუშინ, 12 აგვისტოს უწყებიდან ამ ინფორმაციის მოთხოვნიდან 40 დღე გავიდა.

გუშინვე On.ge-მ ინფორმაციის მისაღებად შინაგან საქმეთა სამინისტროს სასამართლოში უჩივლა. მოთხოვნა უცვლელია, აქციის დაშლის დროს გამოყენებული ცრემლსადენი გაზისა და რეზინის ტყვიების რაოდენობაზე ინფორმაციის მიღება.

20 ივნისის ღამეს სპეცრაზმელების ტყვიებმა იმსხვერპლა ორი მოქალაქის თვალი, დაშავდა რამდენიმე ათეული ადამიანი, მათ შორის 30-ზე მეტი ჟურნალისტი.