2019 წელს შუალედური არჩევნებით პარლამენტს ქართული ოცნების კვოტით ლადო კახაძე შეუერთდა. ახალმა დეპუტატმა დეკლარაცია 2 ივლისს შეავსო და ოჯახის ქონებისა და დანაზოგის შესახებ ინფორმაცია ასახა.

დეპუტატობამდე, გასულ წელს, მისი შემოსავალი ექიმ რადიოლოგად მუშაობის დროს 69 730 ლარი იყო.

ქონება

ლადო კახაძის სახელზე უძრავი ქონება რეგისტრირებული არ არის. მისი ცოლის სახელზეა რეგისტრირებული მიწის ნაკვეთი და ორი სახლი დაბა სურამში და ბინა თბილისში.

დეპუტატის სახელზეა რეგისტრირებული ორი ავტომობილი. ერთი 2004 წელს იყიდა, მეორე კი 2018 წელს აჩუქეს.

დანაზოგი

დეკლარაციის შევსების მომენტისთვის კახაძეს ბანკში სამი ანგარიში ჰქონდა გახსნილი. ჯამში მას 125 973 ლარის ოდენობის დანაზოგი აქვს.