დასავლეთ და ცენტრალურ ევროპაში უჩვეულოდ ცხელი დღეებია. ანომალიურ სიცხეს რამდენიმე ადამიანის სიცოცხლეს ემსხვერპლა.

საფრანგეთში ტემპერატურამ უმნიშვნელოდ დაიკლო პარასკევთან შედარებით, როცა ქვეყანაში რეკორდულად მაღალი ტემპერატურა, 45,9°C დაფიქსირდა.

ესპანეთის ზოგიერთ ნაწილში ტემპერატურამ 40°C-ს გადააჭარბა. ქალაქ კატალანსა და მასროიგს შორის მდებარე მეტეოროლოგიურ სადგურში 43,3°C დაფიქსირდა.

საფრანგეთის სამხრეთით, ვოკლუღის რეგიონში ველომრბოლელი სიცხის გამო გარდაიცვალა. ადგილობრივი უწყებების წარმომადგენლებმა თქვეს, რომ მთიან რეგიონებში ველომრბოლელებმა სპორტული აქტივობებისგან თავი უნდა შეიკავონ.

დიდი ბრიტანეთის ისტორიაში ტემპერატურამ რეკორდულ მაჩვენებელს 34°C-ს მიაღწია.

მეტეოროლოგების ცნობით, ჩრდილოეთ აფრიკიდან მომავალი ცხელი ჰაერის მასა დიდ გავლენას ახდენს ცენტრალური ევროპის ჰაერის ტემპერატურაზე.

ესპანეთი, ტემპერატურა ქვეყნის 50-ზე მეტ რეგიონში 40 გრადუსს აღემატება.

ფოტო: AFP

ანომალიური სიცხის გამო ესპანეთში ტყეს ცეცხლიც გაუჩნდა.

ფოტო: REUTERS

ხალხი გრილდება შადრევნის წყალში, საფრანგეთში, სადაც ტემპერატურა 36 გრადუსს აღემატება.

ფოტო: AFP

საფრანგეთის სამხრეთში მდებარე სასაზღვრო განყოფილების მეხანძრეები სიცხის გამო გაჩენილ ცეცხლს ებრძვიან.

ფოტო: AFP

პილიგრიმები გრილდებიან ესპანეთში, სადაც სიცხეს 2 ადამიანის სიცოცხლე ემსხვერპლა.

ფოტო: EPA

მილანში ხალხი, სიცხესთან გასამკლავებლად, წყლის რიგში დგას.

ფოტო: AFP

საზაფხულო ფესტივალი ნიდერლანდებში.