თბილისის საქალაქო სასამართლოში გრძელდება დეპუტატ ნიკა მელიას აღკვეთის ღონისძიებაზე მსჯელობა. დღეს, 27 ივნისს მოსამართლე თემურ გოგოხიამ უნდა გადაწყვიტოს დააკავებს თუ არა პროკურატურა მელიას 20 ივნისის აქციაზე ძალადობრივი ჯგუფის ორგანიზების საქმეზე.

"რა გადაწყვეტილებაც არ უნდა მიიღოთ ეს იქნება პოლიტიკური გადაწყვეტილება. ჩემი მოსაზრება არაერთხელ დამიფიქსირებია ჩინჩალაძე-მურუსიძეზე. მე გუშინ ვნახე 91 დაჩოქილი დეპუტატი. თქვენ ხართ ჩინჩალაძის უახლოესი მეგობარი და კლანის წევრი", — მიმართა მოსამართლეს მელიამ.

პროკურატურა ნიკა მელიას დაკავებას 20 ივნისის ღამეს მომხდარი ინციდენტის ფარგლებში, ჯგუფური ძალადობის ორგანიზების ბრალდებით, აპირებს. ამ დღეს რუსი დეპუტატი პარლამენტის შენობაში პარლამენტის თავმჯდომარის სავარძელზე დაჯდა, რაც რამდენიმე ათასმა ადამიანმა რუსთაველის გამზირზე გააპროტესტა. ამავე დღეს, გვიან ღამით შინაგან საქმეთა სამინისტრომ აქციის მონაწილეების დაშლა დაიწყო და დააზიანა რამდენიმე ათეული ადამიანი, რომელთაგანაც ორმა სპეცრაზმელის ნასროლი ტყვიით თვალი დაკარგა.