"დაუსიგნალე მთავრობას", — ამ სლოგანით საპროტესტო აქციის მონაწილეებმა რესპუბლიკის მოედნიდან ორთაჭალამდე, შინაგან საქმეთა სამინისტროს შენობამდე მანქანებით მსვლელობა მოაწყეს. მათი მთავარი მოთხოვნაა, გადადგეს შს მინისტრი. დემონსტრანტები აპროტესტებენ ქვეყანაში მიმდინარე მოვლენებს, მათ შორის, იმას, რომ 20 ივნისს პარლამენტის წინ გამართული აქცია რეზინის ტყვიებითა და ცრემლსადენი გაზით დაშალეს. აქციის მონაწილეები პასუხისმგებლონას გიორგი გახარიას აკისრებენ.

ფოტო: თამუნა გეგიძე / On.ge

ფოტო: თამუნა გეგიძე / On.ge

ფოტო: თამუნა გეგიძე / On.ge

დღეს, 24 ივნისს ცნობილი გახდა, რომ საქართველოს მთავარმა პროკურატურამ 20 ივნისის აქციის დაშლის დროს სამართალდამცავების მხრიდან შესაძლო უფლებამოსილების გადამეტების საკითხის გამოძიება დაიწყო. პროკურორმა საზოგადოებას თხოვნით მიმართა, რომ დამატებითი მტკიცებულებების არსებობის შემთხვევაში მიაწოდონ მათ.

საქმეზე გამოძიება სისხლის სამართლის კოდექსის 333-ე მუხლის მესამე ნაწილით მიმდინარეობს. ამ მუხლით სამსახურებრივი უფლებამოსილების გადამეტება ძალადობით ან იარაღის გამოყენებით ისჯება ხუთიდან რვა წლამდე პატიმრობით.

აქციის მონაწილეები დღეს, 24 მაისს 19 საათზე შს მინისტრის გადადგომის მოთხივნით ისევ შეიკრიბებიან პარლამენტის წინ.

გაიგეთ მეტი: რა მოხდა 20 ივნისს თბილისში — მოკლედ