თბილისის სააპელაციო სასამართლოსთან 20 ივნისის აქციის დაშლის შემდეგ დაკავებული მოქალაქეების სოლიდარობისთვის მოქალაქეები შეიკრიბნენ.

იურისტი ანა ნაცვლიშვილი TV პირველთან საუბრის დროს ამბობს, რომ "სამართალმა პური არ ჭამა" და მოსამართლეებს, რომლებმაც დაკავებულების გათავისუფლებაზე იმსჯელეს, არ უთქვამს, რომ პოლიციელები არასწორად მოიქცნენ.

"ეს არის ლევან მურუსიძის რეაბილიტაციის პროცესი. მას არ უთქვამს, რომ სახელმწიფოს არანაირი მტკიცებულება არ ჰქონდა ამ ადამიანების დაკავებისთვის", — განაცხადა ნაცვლიშვილმა დაკავებულების საქმის განხილვასთან დაკავშირებით საუბრისას.

20 ივნისის აქციის დაშლა ხელისუფლებამ გაფრთხილების გარეშე დაიწყო. ამ პროცესში დაშავდა მინიმუმ 240 ადამიანი, 30-ზე მეტი ჟურნალისტი. ორ ადამიანს ამოაჭრეს თვალი. სპეცრაზმის თანამშრომლები დამიზნებით ესროდნენ მოქალაქეებს. ამ დღეს შინაგან საქმეთა სამინისტრომ 305 ადამიანი დააკავა.