პაატა ბურჭულაძე - სახელმწიფო ხალხისთვის ერთ-ერთ წევრის დავით ჯანდიერის თქმით, პაატა ბურჭულაძემ ნამდვილად უთხრა ზურა ჯაფარიძეს რომ გირჩის წევრები სიიდან უნდა ამოეღო.

ჯანდიერმა რუსთავი 2-ის ეთერში 27 სექტემბრის შეხვედრის დეტალები გაიხსენა. მისი თქმით, ბურჭულაძის თავისი გადაწყვეტილების მიზეზი შეხვედრაზე არ განუმარტავს:

"გუშინ საღამოს იყო ასეთი შეხვედრა და მეც ვესწრებოდი. ჩემს გარდა იყო გიორგი ვაშაძე, ზურა ჯაფარიძე და კიდევ დაახლოებით 30 ადამიანი. ამ შეხვედრაზე ნამდვილად არ ყოფილა პაატას მხრიდან რაიმე თანხაზე საუბარი. ეს შეხვედრა ეძღვნებოდა "არჩევანისთვის" მომზადებას და ზურა შემოვიდა რამდენიმე წამით. ნამდვილად თქვა პაატა ბურჭულაძემ, მისი გადაწყვეტილებით გირჩის წევრები აღარ იქნებოდნენ სიაში. როდესაც ბატონი ზურა იყო მოსული, ამ შეხვედრაზე არ განუმარტავს პაატას მიზეზები".

ჯანდიერმა სხვა შეხვედრის შესახებაც ისაუბრა, რომლის დასრულების შემდეგ ბურჭულაძემ განაცხადა, რომ მას ბიძინა ივანიშვილთან შეხვედრა შესთავაზეს, თუმცა ჯანდიერმა ამ პიროვნების სახელი და გვარი არ დაასახელა.