სლოვენიამ საქართველო უსაფრთხო წარმოშობის ქვეყნად აღიარა. საგარეო საქმეთა სამინისტროს ინფორმაციით, სლოვენია გახდა ევროკავშირის-შენგენის სივრცეში მე-14 ქვეყანა, რომელმაც საქართველოსთან მიმართებით მსგავსი გადაწყვეტილება მიიღო.

უწყების ინფორმაციით, უსაფრთხო ქვეყნად აღიარების შედეგად, საქართველოს მოქალაქეების თავშესაფრის განაცხადების განსახილველად გამოიყენებენ დაჩქარებული პროცედურას, რაც განაცხადის განხილვის ვადას საგრძნობლად შეამცირებს. უწყების განცხადებით, ეს გადაწყვეტილება კიდევ ერთხელ ადასტურებს, რომ საქართველო ადამიანის უფლებების დაცვისა და დემოკრატიული სტანდარტებით, ისევე, როგორც ზოგადი პოლიტიკური გარემოსა და უსაფრთხოების გათვალისწინებით მიიჩნევა ქვეყნად, სადაც არ ხდება მოქალაქეების შევიწროებას და ადამიანები დაცული არიან ყველა სახის შესაძლო დევნისაგან.

საქართველო უსაფრთხო წარმოშობის ქვეყნების სიაში შეყვანილი ჰყავს ბულგარეთს, საფრანგეთს, ლიხტენშტაინს, ავსტრიას, ბელგიას, ნიდერლანდებს, ისლანდიას, ლუქსემბურგს, ირლანდიას, ესტონეთს, დანიასა, ჩეხეთს და კვიპროსს.