თბილისის სატრანსპორტო კომპანიის პროფესიული კავშირი ერთობა 2013, სოლიდარობის ქსელი, საზოგადოებრივი მაუწყებლის პროფესული კავშირი და სოციალურ მუშაკთა პროფესიული გაერთიანება დამოუკიდებელ პროფკავშირთა გაერთიანებას ქმნის. ამის შესახებ დღეს, პირველ მაისს მშრომელთა უფლებების საერთაშორისო დღეს დამოუკიდებელმა პროფკავშირებმა ბრიფინგი გამართეს.

"გვინდა დღევანდელ დღეს მივანიჭოთ ისტორიული დატვირთვა და შევქმნათ ისეთი ერთობა, რომელიც ყველა დასაქმებულ ადამიანს მისცემს შანსს, დაიცვას საკუთარი უფლებები... გავერთიანდით იმისთვის, რათა ჩვენს ქვეყანაში შევქმნათ სამართლიანი, თითოეულ დასაქმებული ადამიანის საჭიროებებსა და გამოწვევებზე ორიენტირებული სოციალური პოლიტიკა", — აცხადებენ გაერთიანების წევრები.