პოლიტიკური გაერთიანება კანონი და სამართალი ნეპოტიზმის კრიმინალიზაციას ითხოვს. შესაბამისი საკანონმდებლო წინადადებით პარლამენტს ამავე გაერთიანების დამფუძნებელმა თაკო ჩარკვიანმა მიმართა.

განმარტებით ბარათში ვკითხულობთ, რომ კანონი და სამართალი დაუძლეველ გამოწვევად მიიჩნევს კორუფციის ერთ-ერთ გამოვლინებას — ნეპოტიზმს საჯარო სამსახურში.

"მიუხედავად იმისა, რომ სისხლის სამართლის კოდექსში უკვე არსებობს სამოხელეო დანაშაულის თავი, მიგვაჩნია, რომ ვერ ხდება ამ ტიპის კორუფციული ფაქტების პრევენცია და აღკვეთა", — ნათქვამია განმარტებით ბარათში.

თაკო ჩარკვიანს მიაჩნია, რომ ხელისუფლება ნეპოტიზმის კრიმინალიზებას განზრახ არ ახდენს და მას ვიწროპარტიული და პოლიტიკური ინტერესებისთვის იყენებს.

პოლიტიკური მოძრაობა ითხოვს, რომ სისხლის სამართლის კოდექსს დაემატოს შემდეგი შინაარსის მუხლი, ნეპოტიზმის შესახებ. ამ მუხლით, ნეპოტიზმი უნდა დაისაჯოს ჯარიმით ან შინაპატიმრობით ვადით ექვსი თვიდან ორ წლამდე, ან ჯარიმით და თავისუფლების აღკვეთით ვადით სამ წლამდე და თანამდებობის დაკავებით ან საქმიანობის უფლების ჩამორთმევით ვადით სამ წლამდე.