საპრეზიდენტო არჩევნების წინ უკრაინაში "სიჩუმის დღეა". პრეზიდენტობის კანდიდატები განცხადებებს არ აკეთებენ და ყოველგვარი აგიტაცია იკრძალება.

სოციოლოგიური გამოკითხვების თანახმად, პირველი ტურის ფავორიტად კომიკოსი ვლადიმერ ზელენსკი სახელდება, მეორე ადგილს კი ქვეყნის მოქმედი ლიდერი - პეტრე პოროშენკო, იკავებს.

41 წლის კომედიანტი ვლადიმერ ზელენსკი ყველაზე ახალგაზრდა და ახალბედა კანდიდატია. ამის მიუხედავად, სწორედ, ზელენსკი ლიდერობს ყველა წინასაარჩევნო გამოკითხვაში. სხვადასხვა მონაცემებით, მას ამომრჩევლების 30 პროცენტამდე უჭერს მხარს.

წარმატების მაღალი შანსი აქვთ: ვლადიმერ ზელენსკის, იულია ტიმოშენკოს, იური ბოიკოსა და ანატოლი გრიცენკოს. სოციოლოგები აცხადებენ, რომ მეორე ტურის დანიშვნის დიდი შანსია.

საარჩევნო უბნები ხვალ, 31 მარტს დილის რვა საათზე დაიწყება. უკრაინის პოლიცია უკვე პატრულირებს ქვეყნის ტერიტორიაზე უსაფრთხოების მიზნით.

ამავე თემაზე: რა უნდა ვიცოდეთ უკრაინის საპრეზიდენტო არჩევნებზე