ნინო ბურჯანაძის შვილი, ანზორ ბიწაძე პოლიტიკაში მიდის. ის დედასთან ერთად, პარტია დემოკრატიულ მოძრაობაში იქნება. ამის შესახებ ბიწაძემ რადიო პალიტრას ეთერში ისაუბრა.

"პოლიტიკაში მოსვლის მთავარი ფაქტორი ალბათ შინაგანი მოთხოვნილებაა, რომ ემსახურო შენს ქვეყანას... უბრალოდ მექნება ჩემი მოკრძალებული ადგილი იმ მიმართულებით, რომ გავანდო საზოგადოებას ჩვენი პარტიის გეგმები, ხედვები, ჩემს თანატოლებთან შევეცდები ღია კომუნიკაციაში ვიყო", — ამბობს ანზორ ბიწაძე.

კითხვაზე, ნინო ბურჯანაძე ხომ არ აპირებს პოლიტიკიდან წასვლას და მას ხომ არ უტოვებს ადგილს, ბიწაძე პასუხობს: "არავითარ შემთხვევაში". მისივე თქმით, მალე გამოცხადდება თარიღი, როდის გაიმართება დემოკრატიული მოძრაობის ყრილობა, სადაც პარტია თავის ამომრჩეველს საინტერესო გეგმებსა და ხედვებს გააცნობს.