თურქეთის პრეზიდენტი, რეჯეპ ტაიპ ერდოღანი არ გამორიცხავს, რომ აია-სოფიას ტაძარი მეჩეთად გადაკეთდეს და მუზეუმის სტატუსი მოეხსნას. როგორც Daily Sabah წერს, ერდოღანმა ამის შესახებ ინტერვიუს დროს განაცხადა. ერდოღანის თქმით, მუზეუმის სტატუსის მოხსნით ნებისმიერი მსურველი ტაძარს უფასოდ მოინახულებს.

"ეს გამორიცხული არაა. ჩვენ შეგვიძლია, ტაძარს აია-სოფიას მეჩეთის სახელი დავარქვათ", — განაცხადა პრეზიდენტმა.

აია-სოფიას ტაძარი ბიზანტიის იმპერიის დროს მეექვსე საუკუნეში აშენდა და ბერძნული მართლმადიდებელი ეკლესიის ცენტრად მოიაზრებოდა. ტაძარი მეჩეთად ბიზანტიის დაცემის შემდეგ ოსმალთა მმართველობის დროს, მეთხუთმეტე საუკუნის შუა ხანებში გადაკეთდა. მუზეუმის სტატუსი კი მას 1935 წელს მიენიჭა.

ამ ხნის განმავლობაში ტაძრის მეჩეთად გადაკეთების არაერთი ინიციატივა იყო და ამ საკითხის გარშემო არაერთი დისკუსია გამართულა. ტაძარი იუნესკოს მსოფლიო მემკვიდრეობის ნუსხაშია შესული. 2015 წელს, პირველად 85 წლის განმავლობაში ტაძარში ყურანის სურები წაიკითხეს.