ჰააგის სააპელაციო სასამართლომ ბოსნიელი სერბების ყოფილ ლიდერს, 73 წლის რადოვან კარანჯიჩს სასჯელი გაუმკაცრა და სამუდამო პატიმრობა მიუსაჯა. კარაჯიჩი ბოსნია და ჰერცოგოვინაში სერბთან რესპუბლიკის პირველი პრეზიდენტი იყო.

2016 წლის მარტში კარანჯიჩს 1992-1995 წლებში კაცობრიობის წინაშე ჩადენილი დანაშაულისთვის, მუსლიმი ბოსნიელების გენოციდისთვისა და სამხედრო დანაშაულისთვის 40 წლით პატიმრობა მიუსაჯეს.

ყოფილი ლიდერი ბრალს არ აღიარებს და პროცესს პოლიტიზირებული უწოდა. ამავე დროს, ბრალდების მხარე ითხოვდა კარანჯიჩისთვის სამუდამო პატიმრობას ითხოვდა.

ყოფილი იუგოსლავიის საერთაშორისო ტრიბუნალმა კარანჯიჩს ბრალდება 1995 წელს წაუყენა, თუმცა მისი დაკავება ვერ მოხერხდა. ის 2008 წელს მას შემდეგ დააკავეს, რაც აღმოჩნდა, რომ ბელგრადში შეცვლილი სახელით ცხოვრობდა.