კომპანია სოლო ენერჯის, რომელიც მდინარე შავ არაგვზე ჰესების აშენებას გეგმავდა, გარემოს დაცვის სამინისტრომ მშენებლობისა და ექსპლუატაციის პროექტზე უარი უთხრა. შესაბამისი დოკუმენტი გარემოს დაცვის სამინისტროს ვებგვერდზე გამოქვეყნდა.

კომპანიას საშუალება ეძლევა გადაწყვეტილება თბილისის საქალაქო სასამართლოში ერთი თვის ვადაში გაასაჩივროს.

შპს სოლო ენერჯი შავ არაგვზე, ორი 8,35 მეგავატი სიმძლავრის ჰესის – შავი არაგვი და შავი არაგვი 1-ის აშენებას გეგმავდა. პროექტის მიხედვით მდინარის ნაწილი მილებში უნდა მოქცეულიყო. ჰესების აშენების დაანონსებას მალევე მოჰყვა პროტესტი სამოქალაქო აქტივისტებისა და გუდამაყრის მცხოვრებლების მხრიდან.

ამავე თემაზე: