ეკა ბესელიამ ტვ პირველის ეთერში გადაცემა პირველებში თქვა, თუ რა ფრაზა უთხრა გუშინ, 21 თებერვალს პარლამენტში ტრიბუნასთან მისვლამდე დეპუტატ თამარ ჩუგოშვილს. კადრს, სადაც ტრიბუნიდან ჩამოსულ თამარ ჩუგოშვილს ეკა ბესელია გამოელაპარაკება, ინტერნეტში გამოხმაურება მოჰყვა.

"მე უკვე მივდივარ ტრიბუნისკენ, ვარ გაბრაზებული ძალიან, არა თამარზე. თამარს სასამართლოსთან დაკავშირებით ნამდვილად ჰქონდა ძალიან პრინციპული პოზიცია თავიდანვე, გამიკვირდა გუშინ რომ არ დაუჭირა მხარი კანონპროექტს. ამის მიუხედავად, მე ვაფასებ მის პრინციპულობას ამ თემებთან დაკავშირებით. მე ძალიან გამაბრაზა კობახიძის ფრაზამ და ვიცოდი, რაც უნდა მეთქვა. რაც ვუთხარი თამარს, როდესაც ის წინადადება წამოაყენა იყო, რომ აღარაა რომანტიზმის და განცხადებების დრო. ვუთხარი – თამარ დაიწყე, გადადგი ეს ნაბიჯი და პირველი მე მოვაწერ ხელს", — განმარტავს ეკა ბესელია.