2018 წელს ევროკავშირის წევრ ქვეყნებში შესვლაზე საქართველოს ყოველი 200 მოქალაქიდან უარი მხოლოდ ერთს უთხრეს. გასულ წელს 364 593 საქართველოს მოქალაქე გაემგზავრა ევროპაში და მათგან მხოლოდ 1 863 უთხრეს უარი საზღვის კვეთაზე. საზღვრის კვეთის სტატისტიკა შინაგან საქმეთა სამინისტრომ გაავრცელა.

ფოტო: შსს

სტატისტიკით ჩანს, რომ ყველაზე მეტი საქართველოს მოქალაქე გერმანიაში (83 068), იტალიასა (55 047) და საბერძნეთში (41 573) გაემგზავრა. ყველაზე ხშირად კი მათ საზღვრის კვეთაზე უარი უთხრეს იტალიაში, კვიპროსსა და გერმანიაში.

2018 წელს ჯამში 3 697 152 გაემგზავრა საქართველოდან და 3 667 915 შემოვიდა ქვეყანაში. დეპორტირებული საქართველოს მოქალაქეების რაოდენობით ლიდერობს თურქეთი (1 788), ისრაელი (813) და გერმანია (531).