ეროვნულ-დემოკრატიული ინსტიტუტის (NDI) კვლევის მიხედვით, გამოკითხულთა 60 პროცენტს ინგლისური ენის საწყისი ცოდნა არ აქვს. ინგლისური ენა მაღალ დონეზე გამოკითხულთა მხოლოდ 7-მა პროცენტმა იცის, საშუალო დონეზე კი 15-მა პროცენტმა. გამოკითხულთა 16 პროცენტს ინგლისური ენის ცოდნის დაწყებითი დონე აქვს.

ფოტო: NDI

რაც შეეხება რუსულ ენას, გამოკითხულთა 21 პროცენტს რუსული ენის ცოდნის მაღალი დონე აქვს, 45 პროცენტს — საშუალო, ხოლო 21 პროცენტს — დაწყებითი. გამოკითხულთა 12 პროცენტს რუსული ენის ცოდნის საწყისი დონე არ აქვს.

გამოკითხულთა იმ ჯგუფიდან, რომლებთანაც ინტერვიუ არაქართულ ენაზე წარიმართა, 44 პროცენტს ქართული ენის საწყისი ცოდნა არ აქვს. მათგან ქართული ენა მაღალ დონეზე მხოლოდ 4-მა პროცენტმა იცის, ხოლო 16-მა პროცენტმა საშუალოდ. ამავე რესპონდენტთა ჯგუფიდან ქართული დაწყებით დონეზე 29 პროცენტმა იცის.

NDI-იმ საზოგადოებრივი აზრის ახალი კვლევა გამოაქვეყნა. საველე სამუშაოების თარიღები 2018 წლის 6-20 დეკემბრით თარიღდება. ჩატარდა 2 205 დასრულებული ინტერვიუ. საშუალო ცდომილების ზღვარი +/- 2,1 პროცენტია