ჭყონდიდის მიტროპოლიტის, მეუფე პეტრეს თქმით, საქართველოს ყოფილი პრეზიდენტი, გიორგი მარგველაშვილი უპრინციპო და უსინდისო ადამიანია, რადგან ე.წ. ციანიდის საქმეზე ბრალდებული გიორგი მამალაძე არ შეიწყალა. მეუფე პეტრემ ამის შესახებ სინოდის სხდომის შემდეგ განაცხადა.

ე.წ. ციანიდის საქმეზე მსჯავრდებულის, დეკანოზ გიორგი მამალაძის ადვოკატებმა პრეზიდენტს, გიორგი მარგველაშვილის მათი დაცვის ქვეშ მყოფის შეწყალების თხოვნით 9 აგვისტოს მიმართეს. 11 სექტემბერს მარგველაშვილმა განაცხადა, რომ საქმეს შეწყალების კომისიასთან ერთად განიხილავდა. 27 სექტემბერს კომისიის თავმჯდომარემ, ზვიად ქორიძემ განაცხადა, რომ პრეზიდენტმა გიორგი მამალაძე არ შეიწყალა.

ქორიძის განმარტებით, საქმეს კომისია განიხილავდა განსკუთრებული წესით, რადგან გიორგი მამალაძეს არ აქვს მოხდილი სასჯელის ნახევარი. ამ წესის თანახმა, სხდომას უნდა ესწრებოდეს სრული შემაგდენლობის არანაკლებ სამი მეოთხედი და დადებითი რეკომენდაცია უნდა მიიღოს სრულმა შემადგენლობა, ანუ ყველამ, ვინც ესწრება სხდომას.

"გიორგი მამალაძის საქმის განხილვისას კომისიის წევრთან სრული კონსენსუსი არ შედგა, შესაბამისად, პრეზიდენტს დადებითი რეკომენდაცია ვერ მისცა. პრეზიდენტმა კომისიის პოზიცია გაიზიარა", — განაცხადა ქორიძემ.

ციანიდის საქმე

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.