თბილისის მთავარი ნაძვის ხე რესპუბლიკის მოედანზე, სადაც საახალწლო სოფელი ეწყობა 22 დეკემბერს აინთება. როგორც თბილისის მერმა, კახა კალაძემ ფეისბუქლაივის დროს განაცხადა, ნაძვის ხის აწყობა ორ დღეში დამთავრდება, ხოლო შემდეგ დაიწყება მისი მორთვა.

საახალწლო სოფელი რესპუბლიკის მოედანზე საახალწლო სოფელი 25 დეკემბრიდან 7 იანვრამდე იქნება.

მთავარი ნაძვის ხის ადგილთან დაკავშირებით კითხვები ერთი თვის წინ დაისვა. ნოემბრის დასაწყისში ზაზა სარალიძემ თბილისის მერიისგან წერილი მიიღო, სადაც აღნიშნული იყო, რომ თბილისში, პარლამენტის შენობის მიმდებარე ტერიტორია დეკემბრის დასაწყისამდე უნდა დაეტოვებინა. ამ საკითხთან დაკავშირებით დასმული კითხვის საპასუხოდ თბილისის მერმა, კახა კალაძემ განაცხადა, რომ დედაქალაქი საახალწლოდ ემზადება და ამ ადგილის გამოყენება შეუძლებელი იქნება. მერი აღნიშნავდა, რომ აქციის მონაწილეებს სხვა ადგილი უნდა ეპოვათ.

ზაზა სარალიძის მხარდასაჭერად შეიქმნა პეტიციაც "უარს ვამბობ ნაძვის ხეზე, ვირჩევ ადამიანს!" არასამათავრობო ორგანიზაციები ამბობდნენ, რომ მერიის მოთხოვნა არაკონსტიტუციური იყო. კარვის გაშლის უფლების შეზღუდვის გამო 10 ნოემბერს აქცია გამართეს არასამთავრობო ორგანიზაციებმა.

შსს-გან კარვის გაშლაზე ორთვიანი უარის შემდეგ კი მერიამ სარალიძესა და მაჩალიკაშვილს კარვებში გათბობა დაუყენეს.