პრობლემური სესხების გადასამოწმებელი ვებგვერდის ამოქმედების შემდეგ მისი ყალბი ანალოგი შეიქმნა. ამ ვებგვერდზე ანალოგიური შინაარსის ზოგადი ინფორმაციაა დატანილი, თუმცა ვალის გადამოწმების ნაცვლად ახალი სესხის შემოთავაზებაა.

მეტი დამაჯერებლობისთვის, ყალბ ვებგვერდზე აღნიშნულია, რომ ის განკუთვნილია ვალების განულების პროგრამისთვის. ყალბზეც დატანილი იყო ქართუ ჯგუფის ლოგოც, თუმცა მოგვიანებით მოიხსნა.

ფინანსთა სამინისტრო მსესხებლებს აფრთხილებს, რომ პრობლემური სესხების შესახებ ინფორმაცია ატვირთულია მხოლოდ ვებგვერდზე Vali.Ge და არა სხვა ვებსაიტებზე, რაც ინტერნეტში გავრცელდა.