საქართველოს ახალგაზრდა იურისტთა ასოციაციის ინფორმაციით, ნაძალადევსა და გლდანში მდებარე საარჩევნო უბნებზე სალომე ზურაბიშვილის მხარდამჭერები ამომრჩევლის ნებას აკონტროლებენ.

საიას 10:00-ის მონაცემებით, გლდანის #79, #80, #81 უბნები მდებარეობს ერთ შენობაში, რომლის ფოიეშიც მობილიზებულნი არიან სალომე ზურაბიშვილის წარმომადგენლები. მათ აქვთ ამომრჩეველთა ფოტოსურათებიანი სია.

მითითებულ უბნებზე მისული ამომრჩევლები თავდაპირველ აღრიცხვას მათთან გადიან და ამის შემდგომ ხდება ამომრჩევლის შესვლა შესაბამის საარჩევნო უბანზე. აღნიშნული პირები ამავე შენობაში არსებულ ერთ-ერთ ოთახს სამუშაო სივრცედ იყენებენ", — ნათქვამია საიას განცხადებაში.

ორგანიზაციის ცნობით, ანალოგიური ხდება ნაძალადევის #37-ე, #38-ე, #40-ე უბნებზე.