ტერაბანკისა და მასტერქარდის ბარათების ტრადიციული გათამაშება დაიწყო. გათამაშების ფარგლებში, ტერაბანკისა და მასტერქარდის მომხმარებლებს აქციაში ჩართვა, გამარჯვების შემთხვევაში კი არაჩვეულებრივი პრიზების, მათ შორის ავტომობილის, მოგება შეუძლიათ.

გათამაშებაში ტერაბანკის ის მომხმარებლები მონაწილეობენ, რომლებსაც ტერაბანკის მასტერქარდ სტანდარტის, მასტერქარდ გოლდის, ან მასტერქარდ თრეველის ბარათები აქვთ. მონაწილეობისთვის საჭიროა, რომ მათ საქართველოსა და მის ფარგლებს გარეთ, კუთვნილი ბარათით, პოს ტერმინალებზე მინიმუმ 10 ლარის ტრანზაქცია შეასრულონ, შემდეგ კი ვებგვერდზე promo.mastercard.com.ge დარეგისტრირდნენ და გადახდის დამადასტურებელი ქვითარი ატვირთონ.

გათამაშება 2018 წლის 31 დეკემბრის 23:59:59 საათის ჩათვლით, 3 ეტაპად წარიმართება. თითოეულ ეტაპზე 30, ჯამში კი 90 გამარჯვებული გამოვლინდება. კონკურსის ყველა ეტაპზე მთავარი კრიტერიუმი ატვირთული ქვითრების რაოდენობაა. თითოეული შუალედური გათამაშების მოგებულები შეჯიბრს მთავარი გამარჯვებულის სტატუსისა და სუპერ პრიზების მოსაპოვებლად გააგრძელებენ.

3 მთავარი გამარჯვებული 2019 წლის 22 იანვარს, 13:00 საათზე გამოვლინდება და მათ ავტომობილები გადაეცემათ. კონკურსის პირობების დეტალურად გაცნობისთვის ეწვიეთ ვებგვერდს: terabank.ge