ნინოწმინდას მოსახლეობასთან შეხვედრაზე პრემიერ მინისტრმა ქართული ოცნება - დემოკრატიული საქართველოს მაჟორიტარი დეპუტატობის კანდიდატი ენზელ მკოიანი წარადგინა.

მკოიანი საქართველოს პარლამენტის 1999, 2004 და 2008 წლების მოწვევის წევრი იყო. ბოლო ორი მოწვევის დროს იგი ერთიან ნაციონალურ მოძრაობას წარმოადგენდა.

გიორგი კვირიკაშვილმა შეხვედრაზე ეკონომიკური რეფორმების აუცილებლობაზე ისაუბრა. მისი განმარტებით ასევე აუცილებელია განათლების რეფორმის ძირეული ცვლილებაც, რათა უმაღლესი განათლების მქონე ახალგაზრდებმა სამსახური მალევე იშოვონ.

პრემიერმა ყურადღება გაამახვილა ეთნიკურ მრავალფეროვნებაზეც და აღნიშნა, რომ ქვეყნის სიმდიდრე სწორედ მისი მრავალფეროვნებაა.