"როგორც აგდებული ქვა არ ასცდება მიწას, ისე თქვენ [ქართულ ოცნებას] არ აგცდებათ დამარცხება", — განაცხადა ევროპული საქართველოს დეპუტატმა, სერგო რატიანმა პარლამენტის პლენარულ სხდომაზე.

როგორც რატიანი ამბობს, ქართველმა ხალხმა დაიანახა ძალადობა, კორუფცია და ის უსამართლობა, რომელიც მმართველმა გუნდმა "მოიმატა". მისი თქმით, მმართველ გუნდში არის კრიზისი და ამის ფონზე დემოკრატიულობის ტესტი ბარდება:

"ეს ტესტი ბარდება, როდესაც აგებთ არჩევნებს, სწორედ ამ დროს ყველა იმ შემთხვევაში, როცა აგებდით, მიმართავდით ძალადობას".

ხელისუფლება, დამოუკიდებელი კანდიდატი და მედია ვაშაძის წინააღმდეგ

მას შემდეგ, რაც არჩევნების პირველი ტურის შედეგები გახდა ცნობილი მმართველი პარტიის მხარდაჭერილმა კანდიდატმა, სალომე ზურაბიშვილმა ორი დღის განმავლობაში ამ საკითხზე არ ისაუბრა. გავრცელდა ინფორმაცია, რომ ის კანდიდატურის მოხსნას აპირებდა. ჟურნალისტების კითხვაზე რას აპირებდა კანდიდატი, მან უპასუხა "როცა დაგიბარებთ, მაშინ გიპასუხებთ".

ამ დღეების განმავლობაში შეიცვალა ხელისუფლების რიტორიკაც. მაგალითად, ქვეყნის პრემიერ-მინისტრმა თქვა, რომ ქართული საზოგადოებისგან შეცდომებზე მკაფიო გზავნილი მიიღეს. ქართული ოცნების გენერალურმა მდივანმა, კახა კალაძემ კი აღნიშნა, რომ ხელისუფლებას ჰქონდა გადაჭარბებული თავდაჯერება და არ ჰქონდა საკმარისი კომუნიკაცია საზოგადოებასთან. მისივე თქმით, ამომრჩევლის ნაკლებობა გამოიწვია იმანაც, რომ არ ჰყავდათ საკუთარი კანდიდატი და მხარი დაუჭირეს ზურაბიშვილს.

თუმცა, მეორე დღეს, მმართველი პარტიის მხარდაჭერილი კანდიდატი ბრიფინგზე კალაძესთან და მმართველი გუნდის სხვა წევრებთან ერთად წარსდგა და დაადასტურა, რომ მეორე ტურში მონაწილეობას მიიღებს. მისი თქმით, არ დაუთმობს ქვეყანას გრიგოლ ვაშაძესა და რუსეთს.

სალომე ზურაბიშვილისა და მმართველი პარტიის გარდა, მეორე ტურში გრიგოლ ვაშაძეს ბრძოლა გამოუცხადა ტელეკომპანია იმედმაც. ზურაბიშვილის ბრიფინგის შემდეგ ტელევიზიაში განაცხადეს, რომ არ დაუშვებენ რეჟიმის დაბრუნებას და მუშაობის საგანგებო რეჟიმზე გადადიან.