ცენტრალური საარჩევნო კომისიის ინფორმაციით, ათი საათისთვის ამომრჩეველთა აქტივობამ 6,15 პროცენტი შეადგინა, რაც რაოდენობრივად არის 215 329 ადამიანი.

ცესკოს განცხადებით, საარჩევნო პროცესი მშვიდ ვითარებაში მიმდინარეობს, თუმცა იყო რამდენიმე პროცედურული დარღვევა:

  • ქობულეთის #32-ე საარჩევნო უბანზე ბიულეტენებზე ერთ-ერთი კანდიდატის საარჩევნო ნომერი არ ჩანდა მკაფიოდ;
  • მარნეულის კენჭისყრის პროცესის დაწყებამდე დამკვირვებლებმა შენიშნეს, რომ ყუთი იყო გაბზარული, დაზიანებული ყუთი ახლით ჩაანაცვლეს;
  • დაიწერა რამდენიმე საჩივარი წილისყრის პროცედურებთან დაკავშირებით, კერძოდ კი, ფოთში. მათგან მხოლოდ ერთ ფაქტია დადასტურებული;
  • ნაძალადევის 49-ე საარჩევნო უბანზე დამკვირვებელი ორგანიზაცია აპრიორიდან და წარმომადგენელი ერთიანი ნაციონალური მოძრაობიდან ერეოდნენ კომისიის საქმიანობაში. კომისიამ ორივე მათგან დაატოვებინა საარჩევნო უბანი.

ცენტრალური საარჩევნო კომისიის ინფორმაციით, არჩევნები 3 703 უბანზე ტარდება. მათ შორის 55 საზღვარგარეთ, 11 კი საგამონაკლისო წესით შექმნილი უბანია.

ცესკოში ამბობენ, რომ ამომრჩეველთა საერთო რაოდენობა 3 518 877 ადამიანს შეადგენს, რომელშიც შედის საზღვარგარეთ რეგისტრირებული 14 795 მოქალაქე.

ამავე თემაზე: