საქართველოს თავდაცვის სამინისტროს ინფორმაციით, 18 აგვისტოს საყარაულო განაწესის გეგმიური შეცვლისას რიგითი მერაბ ჭაჭიაშვილი უგონო მდგომარეობაში აღმოაჩინეს და დაუყოვნებლივ ქუთაისის რეფერალურ საავადმყოფოშ გადაიყვანეს.

უწყების ცნობით, ჩატარებული ექსპერტიზის პირველადი მონაცემებით, გარდაცვალების სავარაუდო მიზეზი ტვინში არატრავმული სისხლჩაქცევა გახდა:

"გარეგნული დათვალიერებით, სხეულს ფიზიკური დაზიანების კვალი არ აღენიშნებოდა. რიგითი მერაბ გიორგის ჭაჭიაშვილი სავალდებულო სამხედრო სამსახურში მიმდინარე წლის ივნისის თვეში გაიწვიეს და სავალდებულო სამსახურს საქართველოს შეიარაღებული ძალების ჯარების ლოგისტიკური უზრუნველყოფის სარდლობის შენახვის ბაზაზე გადიოდა. საქართველოს თავდაცვის სამინისტრო ღრმა მწუხარებას გამოთქვამს რიგითი მერაბ ჭაჭიაშვილის გარდაცვალების გამო და დაკრძალვის ხარჯებს სრულად დაფარავს".

საქმე აღძრულია სისხლის სამართლის კოდექსის 116 მუხლის 1 ნაწილით, რაც სიცოცხლის გაუფრთხილებლობით მოსპობას გულისხმობს და ისჯება შეზღუდვით ვადით ხუთ წლამდე ან თავისუფლების აღკვეთით ვადით ორიდან ოთხ წლამდე. საქმეს იძიებს საქართველოს შეიარაღებული ძალების სამხედრო პოლიციის დეპარტამენტი.