საქართველოს საგარეო საქმეთა სამინისტრო საგანგებო განცხადებას ავრცელებს და განმარტავს, რომ თურქეთში მომხდარი 3 ტერორისტული აქტის შედეგად, გარდაცვლილთა და დაშავებულთა შორის ქართველები არ არიან.

უწყება ცხელი ხაზის ნომრებს აქვეყნებს, რომელზე დარეკვა მსრუველებს 24 საათის განმავლობაში შეუძლიათ.

საქართველოს საელჩოსა და საქართველოს გენერალურ საკონსულოებში ტრაპიზონსა და სტამბოლში მოქმედებს ცხელი ხაზის ნომრები: +90 533 690 30 40 (ანკარა), +90 541 326 22 26 (ტრაპიზონი), +90 541 818 44 00 (სტამბოლი).

საქართველოს საგარეო საქმეთა სამინისტროს საკონსულო დეპარტამენტში ასევე მოქმედებს ცხელი ხაზი: (+995 32) 294 50 50 - სამუშაო დღის განმავლობაში 09:00-დან 18:00 საათამდე, (+995) 577 98 40 20 - 18:00 საათის შემდეგ და დასვენების დღეებში 24 საათის განმავლობაში.

18 აგვისტოს თურქეთის სამხრეთ-აღმოსავლეთში სამი ტერორისტული აქტი განხორციელდა. ბითლისის, ვანისა და ელაზიგის პროვინციებში მომხდარი აფეთქებების შედეგად საერთო ჯამში დაიღუპა 10 და დაშავდა 200-ზე მეტი ადამიანი.