ეთიოპიის პარლამენტმა პირველი ქალი პრეზიდენტი აირჩია, წერს BBC. ამჟამად საჰლე-ვორკ ზევდე აფრიკის ერთადერთი ქალი მმართველია.

ზევდე იყო ეთიოპიის ელჩი სენეგალსა და ჯიბუტიში. მას, ასევე, სხვადასხვა თანამდებობა ეკავა გაეროში. გარდა ამისა, იყო მშვიდობის მშენებლობის საკითხების ხელმძღვანელი აფრიკის ცენტრალურ რესპუბლიკაში. სანამ პრეზიდენტი გახდებოდა საჰლე-ვორკს ზევდე იყო გაეროს წარმომადგენელი ცენტრალურ აფრიკაში.

პარლამენტმა ზევდე პრეზიდენტად ერთი კვირის თავზე აირჩია მას შემდეგ, რაც პრემიერ-მინისტრმა, აბი აჰმედმა მინისტრთა კაბინეტი დააკომპლექტა, რომლის ნახევარს ქალები წარმოადგენენ.

ფიცის დადების შემდეგ ახალმა პრეზიდენტმა პირობა დადო, რომ ეთიოპიაში გენდერულ თანასწორობაზე იზრუნებს. მან, ასევე, მიმართა პარლამენტი:

"მე გთხოვთ, რომ დავიცვათ ჩვენი მშვიდობა დედების სახელით, რადგან მშვიდობის არარსებობით პირველები სწორედ ისინი იტანჯებიან".