შემოსავლების სამსახური აცხადებს, რომ წითელი ხიდის საბაჟო გამშვებ პუნქტში მებაჟეებმა 1 322 763 ლარის ღირებულების ოქროს ზოდები აღმოაჩინეს.

ზოდების რაოდენობა სულ 19 ცალს შეადგენს. თითოეული მათგანი სხვადასხვა სინჯისა და ზომისაა.

18 კილოგრამამდე ოქრო აზერბაიჯანის მოქალაქე ა.ი-ს მანქანის უკანა სავარძლის საზურგესა და საბარგულს შორის ჰქონდა დამალული. მებაჟეებმა ის 15 აგვისტოს, სკანერზე გატარების შემდეგ აღმოაჩინეს.

შემოსავლების სამსახურმა საქმე გამოსაძიებლად ფინანსთა სამინისტროს გადასცა.