ტეილორ სვიფტი შესაძლოა TIME-ის 100 ყველაზე გავლენიანი ადამიანის სიაშია, მაგრამ მუსიკოსი და მომღერალი არ ერიდება იმაზე საუბარს, რასაც მის ცხოვრებაში დიდი გავლენა აქვს.

Time-სთვის ჩაწერილ ექსკლუზიურ ვიდეოში სვიფტი სწორედ იმ სამ რამეზე ყვება, რაც მის ცხოვრებასა და აზროვნებაზე მოქმედებს.

ადამიანებს შორის, სვიფტმა მისთვის ყველაზე გავლენიანად პოლ მაკარტნი დაასახელა:

"მე პოლ მაკარტნის შევყურებ როგორც მისაბაძ მაგალითს. მას საოცარი კარიერა აქვს და თან როგორი შეუდარებელი ხელოვნების ნიმუშები შექმნა. ის ასევე ცნობილია ადამიანების მიმართ თავისი სიკეთითა და პატივისცემით. ამის გარდა, ის როგორც შემსრულებელი, უბრალოდ თავდაუზოგავია".

როდესაც საყვარელი მომღერლის კონცერტზე მიდის და მუსიკოსი მხოლოდ ახალ სიმღერებს არ ასრულებს, სვიფტი აღფრთოვანებული რჩება:

"ხანდახან იმ ძველი და ლეგენდარული სიმღერების მოსმენა გინდა, რომლებიც ყოველთვის გიყვარდა".

ტეილორ სვიფტმა საყვარელ სოციალურ ქსელად Tumblr დაასახელა, სადაც ის თავის ფანებთან საუბრობს, საყვარელ ცხოველებად კი — კატები. თავად სახლში ორი კატა ჰყავს, მერედიტი და ოლივია.

View this post on Instagram

4.26

A post shared by Taylor Swift (@taylorswift) on

თავად პოლ მაკარტნიმ ტეილორ სვიფტის ფანებს ბოლო ალბომიდან მიუძღვნა სიმღერა, სახელად Who Cares.

ტეილორ სვიფტი პარასკევს, 26 აპრილს ახალ პროექტს უშვებს. ფანები ფიქრობენ, რომ ეს ახალი სინგლი, ალბომი ან წიგნი იქნება. მუსიკოსი ახალი ეპოქის დასაწყისს სოციალური მედიებიდან რამდენიმე კვირაა აანონსებს.