მანიპურის რკინის ლედის სახელით ცნობილი ინდოელი პოლიტიკური აქტივისტი ირომ შარმილა თექვსმეტწლიან შიმშილობას წყვეტს.

ნობელის პრემიის ლაურეატმა შიმშილობა 2000 წელს მას შემდეგ დაიწყო, რაც ინდოელმა ჯარისკაცებმა ჩრდილოეთ მანიპურში ათი სამოქალაქო პირი მოკლეს. იგი პროტესტს ინდოეთის შეიარაღებული ძალების წინააღმდეგ გამოთქვამდა და მოუწოდებდა მათ, გაუქმებულიყო აქტი, რომლის მიხედვითაც სამხედროებს ყოველგვარი ორდერის გარეშე უფლება აქვთ გაჩხრიკონ მოქალაქეები, მათ ასევე, აქვთ სროლის უფლებაც.

თუმცა, აქტივისტმა გადაწყვიტა პროტესტი შეწყვიტოს. როგორც თავად ამბობს, ის რევოლუციის განსახიერებაა და სურს კანონები შეცვალოს და მინისტრი გახდეს.

მას უამრავი აქტივისტი უჭერს მხარს. 2011 წელს მათ აქციაც მოაწყვეს, რომლის დროსაც შარმილას შიმშილობის შეწყვეტას სთხოვდნენ.

იგი შიმშილობის გამო დააპატიმრეს კიდეც. სახელმწიფო ჰოსპიტალში აიძულებდნენ ზონდით გადასხმები გაეკეთებინა, შიმშილისგან რომ არ მომკვდარიყო. მან სასამართლოს განუცხადა, რომ მაჰათმა განდიც პროტესტის ამ სახეს მიმართავდა და შიმშილობა არაა დანაშაული. მოსამართლემ მას გირაოს სახით 10 ათასი ინდური რუპია (149$) შეუფარდა და გასულ სამშაბათს გაათავისუფლეს.

ჟურნალისტებთან შეხვედრისას აქტივისტმა თექვსმეტი წლის შემდეგ პირველად გასინჯა თაფლი და თქვა, რომ ეს მომენტი არასდროს დაავიწყდება.

ფოტო: AP Images