საქართველოს ყოფილი ვიცე-პრემიერის ეკონომიკის მინისტრის დიმიტრი ქუმსიშვილის განცხადებით, პროკურატურაში მისი გამოკითხვა არ უკავშირდებოდა შესყიდვებისა და ტენდერების საკითხს. ამის შესახებ ქუმსიშვილმა ტელეკომპანია პირველის ეთერში განაცხადა.

"მე არ ვარ იურისტი, მე ვარ ეკონომისტი და სწორი იყო, რომ ადვოკატი უნდა წამეყვანა. პირდაპირ ვიტყვი, რომ შემოთავაზება პროკურატურიდან იყო - ბატონო დიმიტრი, არ გჭირდებათ ადვოკატი, რადგან ეს არის მარტივი საქმე და თქვენ უნდა დააფიქსირით თქვენი პოზიცია სხვებზე, შესაძლო დასაწყებ საკითხებთან დაკავშირებით და ეს არის გამოკითხვა. ეს იყო ჩვეულებრივი გამოკითხვა, სადაც დავაფიქსირე პოზიცია და ვერსიები, გარკვეულ საკითხებთან მიმართებაში. ამ ყველაფერს არანაირ ტენდერებთან არ ჰქონდა კავშირი", - განაცხადა დიმიტრი ქუმსიშვილმა.

მისი თქმით, ის ტენდერებთან დაკავშირებული არ არის და საკითხი, რომელზეც ახლა ტოკ-შოუ რეაქციაში საუბრობენ, პროკურატურას თავად გადაუგზავნა. ქუმსიშვილის განცხადებით, ფაქტები მის წინააღმდეგ არ არსებობს და კითხვები, რომელიც არსებობს მისი მისამართით არ არის.

"ჩემი კარიერის განმავლობაში არ მქონია არანაირი გადაცდომა, აქედა გამომდინარე ვარ დარწმუნებული ჩემს ტავსში და სიმართლეში რომელიც გამაჩნია", - განაცხადა დიმიტრი ქუმსიშვილმა ტელეკომპანია პირველის ეთერში.

საქართველოს მთავარ პროკურატურაში ყოფილი მინისტრები დიმიტრი ქუმსიშვილი და ზურაბ ალავიძე გამოკითხეს. უწყების ინფორმაციით, ყოფილი მინისტრები ეკონომიკისა და ინფრასტრუქტურის სამინისტროებში საბიუჯეტო თანხების მითვისება/გაფლანგვის საქმეზე გამოკითხეს.