ხორვატიის ნაკრების ფორვარდი ნიკოლა კალინიჩი ინტერნეტ-სივრცეში ძალიან პოპულარული მას შემდეგ გახდა, რაც ხორვატიის ნაკრები მსოფლიო ჩემპიონატის ფინალში გავიდა.

საქმე ისაა, რომ კალინიჩი ხორვატიის ნაკრებს მსოფლიო ჩემპიონატზე გაჰყვა, თუმცა ჯგუფური ეტაპის პირველ შეხვედრაში მან უარი თქვა, რომ სათადარიგოთა სკამიდან შესულიყო მოედანზე. ამის შემდეგ იგი მწვრთნელმა შინ გაუშვა. დღეს ხორვატიის ნაკრები მსოფლიო ჩემპიონატის ფინალშია და კალინიჩი ამ უმნიშვნელოვანესი მიღწევის ნაწილი არ არის.

კალინიჩისადმი მიძღვნილი უკვე პოპულარული პოსტის ბოლოს, რომელსაც ეს ისტორია აქვს მიწერილი, წერია ფრაზა: "ნუ მიბაძავ ნიკოლა კალინიჩს".

მორალი ისაა, რომ სჯობს მცირე რამ დათმო უფრო დიდის მისაღებად და კიდევ ის, რომ არ მიბაძო ნიკოლა კალინიჩს.