როგორც უკვე იცით, Mudbound-ის რეჟისორი დი რისი ახალ ფილმზე იწყებს მუშაობას, რომელშიც მთავარ როლს ოსკაროსანი მსახიობი ენ ჰეთეუეი შეასრულებს. მსახიობს პარტნიორობას კი უილიამ დეფო და ბენ აფლეკი გაუწევენ.

ფილმის სიუჟეტი ჯოან დიდიონის 1996 წელს გამოცემულ ბესტსელერ რომანს ეფუძნება. ისტორიის მთავარი გმირი ვაშინგტონ პოსტის რეპორტიორი ელენა მაკმაჰონია, რომელიც სამსახურს 1984 წელს, საპრეზიდენტო არჩევნების წინ მიატოვებს და მამის მოსავლელად გაემგზავრება.

ფილმი ეკრანზე 2019 წელს გამოვა.