იაპონიაში გადაუღებელი წვიმისა და წყალდიდობის შედეგად სულ მცირე 57 ადამიანი გარდაიცვალა. განხორციელდა 2 მილიონი ადამიანის ევაკუაცია. ამის შესახებ CNN წერს. კუნძულ კიუ-სიუზე და სიკო-კუზე უკვე მესამე დღეა გადაუღებლად წვიმს. განსაკუთრებით მძიმე ვითარება ჰიროსიმაშია. იაპონიის სამაშველო სამსახურის ინფორმაციით, 22 ადამიანი დაკარგულად მიიჩნევა. მათი ძებნის ოპერაციაში 40 სამაშველო ვერტმფრენია ჩართული.

ფოტო: AP

ძლიერი წვიმის გამო რამდენიმე რეგიონში მეწყერი ჩამოწვა და საცხოვრებელი სახლები ქვეშ მოიყოლა. სტიქიის შედეგად დაზარალებულ რეგიონებში მაშველებთან ერთად სამხედრო ქვედანაყოფებიცაა მობილიზებული. მეტეოროლოგები ამინდის გაუმჯობესებას უახლოეს საათებში არ ელოდებიან.

ფოტო: GETTY IMAGE