ჯოან როულინგი რომ გაზრდილი ჰერმიონ გრეინჯერია, პოტერჰედებმა მშვენივრად იციან, თუმცა ეს მან მსოფლიოს კიდევ ერთხელ შეახსენა, როდესაც ამერიკის პრეზიდენტს არასწორად დაწერილი სიტყვა გაუსწორა.

საქმე იმაშია, რომ მედიაზე მორიგი თავდასხმისას ტრამპი წერდა, რომ ჟურნალისტები მის ტვიტებში შეცდომებს ეძებენ. თუმცა ზუსტად ამ ტვიტში დაუშვა მართლწერის შეცდომა ამერიკის პრეზიდენტმა.

მან pore over-ის [მონდომებით სწავლა] ნაცვლად pour over [ყავის მომზადება] დაწერა.

"უამრავი ბესტსელერი მაქვს დაწერილი და ჩემი წერის მანერით ვამაყობ. თუმცა აღსანიშნავია, რომ ყალბი მედია გამუდმებით ცდილობს *მონდომებით შეისწავლოს* ჩემი ტვიტები, რომ მასში შეცდომა იპოვოს. მე სიტყვებს დიდი ასოებით ვწერ იმისთვის, რომ ამით ხაზი გავუსვა სათქმელს და არა იმიტომ, რომ ისინი დიდი ასოთი უნდა იწერებოდნენ!"

სწორედ ამ ტვიტმა გაამხიარულა როულინგი. უბრალოდ წარმოიდგინეთ მისი რეაქცია რეალობაში.

"თვალებს ვიწმენდ და სუნთქვას ვარეგულირებ. არა, ნამდვილად, დონალდ ტრამპი მსოფლიოში საუკეთესო მწერალია", - დაწერა მან.

მოგვიანებით ტრამპმა ძველი ტვიტი წაშალა და მართლწერის შეცდომაც გაასწორა.

როულინგი ამ ამბავმაც ძალიან გაამხიარულა:

"ვიღაცამ მას უთხრა, როგორ უნდა დაეწერა Pore"