ლტოლვილთა და განსახლების მინისტრმა, სოზარ სუბარმა დღეს, 26 ივნისს მთავრობის ადმინისტრაციაში გამართულ ბრიფინგზე ჟურნალისტებს დაუდასტურა, რომ ის არც მინისტრთა კაბინეტში მოიაზრება და არც საპრეზიდენტო კანდიდატად.

სოზარ სუბარმა სხვა შეკითხვას, თუ ვინ შეუერთდება წასული მინისტრების გუნდს, არ უპასუხა და თქვა, რომ პრემიერ-მინისტრი, მამუკა ბახტაძე დაასახელებს ახალი გუნდის წევრების ვინაობას.

ახლადანიშნული პრემიერ-მინისტრის, მამუკა ბახტაძის მიერ წარდგენილი სამთავრობო ცვლილებების მიხედვით, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო უქმდება.

სამინისტრო ფუნქციები გადანაწილდება სამ უწყებაზე:

  • განსახლების ფუნქცია ინფრასტრუქტურისა და რეგიონული განვითარების სამინისტროს შეუერთდება;
  • მიგრაცია - შსს-ს;
  • სოციალური პოლიტიკა - ჯანდაცვის სამინისტროს.